ԿՄՍԵ

ԳԱՎԱՌԻ ՔԱՂԱՔԱՊԵՏԱՐԱՆԻ
2006- 2008թթ ԻՐԱԿԱՆԱՑՐԱԾ ԱՇԽԱՏԱՆՔՆԵՐԻ
ՀԱՇՎԵՏՎՈՒԹՅՈՒՆ

24.09.2008 թ.

Կրթություն, Մշակույթ, Սպորտ եւ Երիտասարդություն

Քաղաքապետարանի կողմից իրականացված գործունեության մեջ մեծ կարեոր դերակատարություն ունեն մշակույթը, կրթությունը, սպորտը:
Քաղաքապետարանի ենթակայութմաբ գործում են 8 մանկապարտեզներ, մշակույթի տուն, ակումբներ, ուսուցողական եւ մանկապատանեկան ստեղծագործական կենտրոններ, երաժշտական, արվեստի, գեղարվեստի, դպրոցներ, մարզադպրոց, գրադարան:
Մշակութասեր ու առողջ սերունդ ձեւավորելու գործում պատասխանատու կրթօջախները առաջին իսկ օրվանից քաղաքային իշխանության հետեւողական ուշադրության ներքո են:
Նախկինում Գավառի մանկապարտեզներն աշխատում էին միայն տարվա 6 ամիսներին: Այսինքն, ընդհատվում էր նախադպրոցական կրթությունն ապահովող հիմնարկների աշխատանքը:
Գավառի քաղաքապետ Գուրգեն Մարտիրոսյանի անմիջական նախաձեռնությամբ եւ «Գավառտրանս» ընկերության հովանավորությամբ գազիֆիկացվեց թիվ 4 մանկապարտեզը: Հաջորդ երկու տարիներին ձմռանը գործող մանկապարտեզների թիվն ավելացավ եւս երկուսով: Շուրջտարի գործող մասնկապարտեզների թիվը նախատեսված է առաջիկայում հասցնել առավելագույնի:
Վերջին 3 տարվա ընթացքում քաղաքապետարանն համագործակցել է Կրթության ազգային ինստիտուտի, նախադպրոցական կրթություն իրականացնող բազմաթիվ կազմակերպությունների հետ: Մանկապարտեզների տնօրենների եւ դաստիարակների, երաժշտության ղեկավարների համար կազմակերպել են վերապատրաստման դասընթացներ:
Նախադպրոցական կրթության կարեւորագույն ձեռքբերումներից համայնքի համար նշանակալի էր 2007 թվականը, երբ քաղաքապետարանի առաջարկությամբ թիվ 4 մանկապարտեզի դաստիարակ Անահիտ Մակվեցյանը ներկայացվեց Հանրապետությանում անցկացվող տարվա լավագույն դաստիարակ մրցույթին եւ արժանացավ մրցանակի:
Առկա ձեռբերմանը 2008 թվականին ավելացավ եւս մեկը: Նույն մրցույթի համար քաղաքի, մարզի իշխանության կողմից երաշխավորվեց թիվ 7 մանկապարտեզի դաստիարակ Արփիկ Հովակիմյանը, ով եւս ճանաչվել է հանրապետությունում լավագույն դաստիարակ եւ առաջիկայում մրցանակ կստանա նախագահ Սերժ Սարգսյանի կողմից:
Ինչպես ցույց է տալիս վերջին 3 տարիների վիճակագրությունը´ մանկապարտեզ հաճախող երեխաների թիվը գնալով ավելանում է: Թվի ավելացման միտումը պայմանավորված է մանկապարտեզների լիարժեք գործունեությամբ, մանկավարժական կազմի համալրմամբ: Արդյունքում մանկապարտեզներում ավելացել են նաեւ խմբերի թիվը:
Արտադպրոցական կրթություն իրականացնող կրթոջախների համար եւս քաղաքապետարանի կողմից պարբերաբար կազմակերպվում են մասնագիտական ուսուցումներ, վերապատրաստումներ: Մասնավորապես ակտիվացել է համագործակցությունը մայրաքաղաքի համանուն կազմակերպությունների հետ համագործակցությունը: <<Կենաց տուն>> հասարակական կազմակերպության աջակցությամբ կենտրոնների սաների ձեռքի աշխատանքները ցուցադրվում են Երեւանում կազմակերպվող տարբեր ցուցահանդեսներում: Մարզային եւ քաղաքային միջոցառումների ժամանակ պարբերաբար ցուցադրվում են ուսումնական տարվա ընթացքում ստեղծված նոր ցուցանմուշներ:
Համաձայն քաղաքապետարանի մշակութային, մարզական տարեկան պլանների քաղաքում կազմակերպվում են բազմաթիվ միջոցառումներ:
ՀՀ տոների եւ հիշատակի օրերի հետ կապված միջոցառումներն անցկացվում են քաղաքապետի անմիջական հետեւողականությամբ: Առանձնահատուկ նշվում են ազգային տոները, որոնք առաջին հերթին ազգային արժեքների պահպանման, երիտասարդ սերնդին փոխանցելու հույժ կարեւոր նպատակ են հետապնդում:
Հաշվետու ժամանակաշրջանում Գավառի Հենրիկ Թալալայանի անվան երաժշտական դպրոցում ստեղծվեց երգչախումբ, գեղարվեստական ղեկավար´ Սուսաննա Դեղոյան, որը 2007 թվականին մասնակցեց «Երգող Հայաստան» երգչախմբերի հանրապետական մրցույթ-փառատոնին, արժանանալով պատվոգրի, իսկ դպրոցի տնօրեն` Արփինե Զարգարյանը´ Լավագույն նվագակցող անվանակարգում հանրապետությունում ճանաչվեց լավագույնը: 2008 թվականին դպրոցի երգչախմբի մենակատար Արփինե Խանդանյանն արժանացավ լավագույն մենակատար անվանակարգում պատվոգրի, իսկ դպրոցի տնօրենն այս անգամ ճանաչվեց հանրապետությունում երաժշտական դպրոցի լավագույն տնօրեն:
Երաժշտական դպրոցի դուդուկի դասատու Կարեն Սիրականյանը 2007 թվականին մասնակցել է Դուդուկահարների հանրապետական մրցույթին եւ արժանացել 3-րդ կարգի դիպլոմի:
Երաժշտական դպրոցը հաշվետու ժամանակաշրջանի ընթացքում տվել է հանրապետության մասշտաբով առաջին կարգի մրցանակակիր, դափնեկիրներ եւ դիպլոմանտներ:
Հաշվետու ժամանակաշրջանում ակտիվ համագործակցություն է սկսվել Կոմիտասի անվան պետական կոնսերվատորիայի, Չայկովսկու անվան երաժշտական մասնագիտացված դպրոցի, անվանի դուդուկահար Գեւորգ Դաբաղյանի հետ: Վերջիններիս աջակցությամբ Գավառում կազմակերպվել են վարպետաց դասեր:
Գավառի արվեստի դպրոցի պարային բաժինը´ գեղարվեստական ղեկավար Մարիամ Նավասարդյան, պարուսույց´ Մարիետա Բաղդասարյան , 2007 թվականին մասնակցեց <<Նոր շունչ>> համահայկական բազմաոճ պարերի հանրապետական մրցույթ- փառատոնին: Ստեպ պարային ոճում դպրոցը գրավեց առաջին պատվավոր մրցանակը, իսկ ժողովրդական պարաոճում´ երկրորդ մրցանակին: 2008 թվականին նույն մրցույթի ժամանակ Արվեստի դպրոցի պարային բաժինն արժանացավ եւս երկրորդ մրցանակի:
Գավառի գեղարվեստի դպրոցի սան Մարիամ Հերգնյանը 2008 թվականին Եգիպտոսում կազմակերպված պատանի նկարիչների մրցույթի ժամանակ արժանացել է ոսկե մեդալի:
Ձեւավորված ավանդույթի համաձայն, արդեն երկրորդ տարին Գավառում անցկացվեց մարզական փառատոն, որի նպատակն է մեր համայնքում նպաստել ֆիզիկական կուլտուրայի ակտիվացմանը, առողջ ապրելակերպի խթանմանը, ինչպես նաեւ ազգային ու ժողովրդական խաղերի վերականգնմանը:
Գավառի մարզադպրոցի ‎ֆուտբոլի թիմը մարզային բազմաթիվ մրցույթներում եւ առաջնություններում գրանցել է հաջողություններ:
2006-2007 թվականներին Հայաստանի ‎ֆուտզալի 1992-93 թվականներին ծնված պատանիների առաջնությունում մեր թիմը գրավել է 2-րդ մրցանակային տեղը:
Մրցանակային նույն տեղը գրավել են նաեւ մինչեւ 15 տարեկան պատանիները 2007-2008 Հայաստանի ‎ֆուտզալի առաջնության ընթացքում:
Գավառի վոլոյբոլի թիմը 2006 թվականին Հայաստանի պատանիների առաջնության առաջին մրցանակակիրն է, 2007, 2008 թվականներին մարզային առոջնությունների հաղթող:
Բասկետբոլի թիմը 2007 թվականին´ հաղթող է ճանաչվելով մարզային առաջնությունում:
Վերջին տարիներին մեր քաղքում մեծ ակտիվություն է առաջացել կարատե մարզաձեւի բնագավառում: Մարզիչ Կարեն Դավթյան: 2006-ին կայացած ֆուլլ- կոնտակտ կարատեի բաց առաջնությունում Սոս Կիրակոսյանը գրավեց առաջին տեղը:
Շախմատի բնագավառում գրանցվում են առաջին նվաճումները: Մեր պատանի շախմատիստները մասնակցել են քաղաքային, մարզային եւ հանրապետական մրցաշարերի եւ արժանացել մրցանակային տեղերի: 2008-ին կայացած դպրոցականների մարզային օլիմպիադայում լավագույն արդյունք ցուցաբերեց Երեմ Սարգսյանը´ գրավելով երկրորդ տեղը: Դպրոցականների առաջնության թիմայում կազմում մերոնք նույնպես գրավել են երկրորդ տեղը: Գավառի եւ Ջերմուկի քաղաքապետարանների համատեղ նախաձեռնությամբ,
2007 թվականին մեր պատանի շախմատիստները Ջերմուկում մասնակցեցին ընկերական հանդիպմանը: Խաղին հետեւում էր Սերժ Սարգսյանը:
Քաղաքում անցկացվել են ֆուտբոլի, նարդու, շախմատի, թենիսի քաղաքային առաջնություններ´ քաղաքապետ Գուրգեն Մարտիրոսյանի բարձր հովանավորությամբ:
Կրթամշակութային հաստատությունների նվաճումներն առաջին հերթին ուշադրության արդյունք են: Կենտրոններն համալրվել են երաժշտական եւ այլ սարքավորումներով, անհրաժեշտ հումքերով, պարային բաժինը´ համազգեստով, ինչպես նաեւ բարելավվել են կրթօջախների շենքային պայմանները: Մարզադպրոցը, երաժշտական դպրոցը, մանկապատանեկան ստեղծագործական կենտրոնն ապահովված են կենտրոնական ջեռուցման համակարգով:
Վերջինս նաեւ հիմնանորոգվել է քաղաքապետարանի նախաձեռնությամբ: Վերանորոգման ընթացքի մեջ է նաեւ արվեստի դպրոցը:
Այս տարի քաղաքային գրադարանը համալարվելու է նոր գրքերով,:
Գավառ քաղաքի կայացման, զարգացման ու բարգավաճման գործում ունեցած անուրանալի ավանդի համար Գավառի քաղաքապետարանի ավագանու որոշման համաձայն Հրանտ Հակոբյանին, Վազգեն Մարտիրոսյանին, Ռաֆիկ Եդոյանին եւ Եղիշե Ամիրխանյանին շնորհվեց Գավառի պատվավոր քաղաքացու կոչում: Նրանց պատվին քաղաքապետի բարձր հավանավորությամբ կազմակերպվեց մեծարման եւ կոչումների հանձնման հանդիսավոր արարողություն: 2007 թվականին մեծ շուքով նշվեց մեր հայրենակից, կինոռեժիսոր Ֆրունզե Դովլաթյանի 80 ամյակը:
Յուրաքանչյուր տարի մեծարվում են Հայրենական մեծ պատերազմի վետերանները, ազատամարտիկները, ուսուցիչները:
Քաղաքապետարանը լուրջ դերակատարություն ունի նաեւ երիտասարդության դերի բարձրացման գործում: Ակտիվ է համագործակցությունը Երիտասարդական միջոցառումների կազմակերպման մարզային կենտրոնի կամավորների, հասարակական կազմակերպությունների հետ: Վերջինների հետ իրականացվում են նաեւ երիտասարդական ծրագրեր ամենատարբեր բնագավառներում:
Ամփոփելու համար վստահաբար կարող ենք արձանագևրել, որ Գավառում մշակութային եւ մարզական կյանքը նոր զարկ են ստացել եւ ամեն ինչ արվում է կրկնապատկելու, եռապատկելու առկա ձեռքբերումները:

ԿՈՒՆԵՆԱՆՔ ԺԱՄԱՆԱԿԱԿԻՑ ԵՎ ԲԱՐԵԿԱՐԳ ՄԱՐԶԿԵՆՏՐՈՆ Կարդացեք Գավառի քաղաքապետ Գուրգեն Մարտիրոսյանի 2012 թվականի հունվար ամսվա հարցազրույցը` Գեղամա աշխարհ թերթում/http://geghamaashkharh.blogspot.com/2012/01/blog-post_20.html
20/01/2012, 19:08:06

Ծանոթացեք Գավառի քաղաքապետարանի կողմից 2010 թ. առաջին կիսամյակում իրականացված ծրագրերին: Սեղմեք ՏԵՂԵԿԱՏՈՒ էջը, այնուհետեւ այցելեք ՀԱՇՎԵՏՎՈՒԹՅՈՒՆՆԵՐ ենթաբաժինը
10/08/2010, 20:12:15