|
|
ՄԱՐԶԱԴՊՐՈՑ
Գավառի մարզադպրոցը /մարզակառույցը/ հիմնադրվել է 1971թ.:
Մարզադպրոցը իր կենսագրության տարիներին ունեցել է հաջողություններ
հետևյալ մարզաձևերից. վազք, ըմբշամարտ, բասկետբոլ, հեծանվային սպորտ, մինի Ֆուտբոլ:
1971-1976թ.թ. մարզադպրոցը տնօրինել է Գրիշա Ափրոյանը /բասկետբոլիստ/:
Բասկետբոլի պատանեկան հավաքականը երկու անգամ անընդմեջ մասնակցել է ԽՍՀՄ առաջնություններին /մինի բասկետբոլ, մարզիչ Վահան Սարգսյան/:
1975թ. դառնալով Հայաստանի չեմպիոն, մեր բասկետբոլիստները Անապա քաղաքում կայացած մինի բասկետբոլի առաջնությանը գրավել են հինգերորդ տեղը:
1976թ. կրկին դառնալով Հայաստանի չեմպիոն, մեր բասկետբոլիստները Տիրապոլում կայացած առաջնությանը գրավում են պատվավոր II տեղը:
այդ և նախորդ տարիներին մարզադպրոցի ըմբշամարտիկները տարբեր առաջնություններում ունեցել են լավագույն ցուցանիշներ /Սերյոժա Հասասյան, Գառնիկ
Բալագոզյան, Ռաֆիկ Սաքեյան, Հրաչիկ Պիպոյան/:
ԽՍՀՄ հանրապետությունների ամենատարբեր վազքուղիներով է վազել Սերգեյ Ղազանչյանը /մարզադպրոցի տնօրեն 1976-1986թ.թ./, ինչպես նաև իր սաները:
1983թ. որդին´ Վարդան Ղազանչյանը դարձել է Հայաստանի չեմպիոն /կրոսավազք/:
Հեծանվային սպորտի բազում մրցաշարերի են մասնակցել մեր հեծանվորդները:
ԽՍՀՄ հեծանվային սպորտի վարպետության թեկնածու Ռաֆիկ Սուբնիշանյանը /մարզադպրոցի տնօրեն 1986-1993թ.թ./,
Կարո Տոնոյանը, Ժորա Շանոյանը մասնակցել են Մոլդավիայում կայացած գյուղական մարզիկների «Կոլոս» հեծանվային մարաթոնին և ստացել լավագույն արդյունքներ:
Մարզադպրոցի բռնցքամարտի պատմության մեջ առանձնահատուկ կարելի է նշել Դանտես Կևեյանի անունը:
ՀՀ մինի ֆուտբոլի ֆեդերացիային առաջիններից մեկը անդամագրվել է մեր մարզադպրոցի ֆուտբոլային թիմը: Մասնակցելով ՀՀ ամենամյա բաց առաջնություններին,
ունենալով բարձր ցուցանիշներ, բազմիցս մասնակցել եմ ԱՊՀ երկրների բաց առաջնություններին:
Երկար տարիների ընդմիջումից հետո 2005թ. մարզադպրոցը ենթարկվեց հիմնանորոգման, Կառավարության ֆոնդից տրամադրված միջոցներով:
2006թ. մարտի 28-ից մարզադպրոցը ղեկավարում է Դավիթ Ասոյանը, ծանրամարտի սպորտի վարպետ: Նրա աշխատանքային գործունեությունը մարզադպրոցի
պատմության մեջ կմնա որպես լավագույն տնօրենի: Տնօրենի հետևողական աշխատանքի շնորհիվ մարզադպրոցը 6 անգամ ենթարկվեց մասնակի նորոգման
/հիմնանորոգումից մնացած թերություն/
Մարզադպրոցում ավելացել են գործոց մարզաձևերը, ինչպես նաև մարզադպրոցը համալրվել է գրասենյակային գույքով և մարզագույքով:
Մարզադպրոցի ֆուտբոլային թիմը դարձել է 2006-2007թ. ՀՀ մինի ֆուտբոլի առաջնության երկրորդ մրցանակակիր: Մեր վոլեյբոլիստները 2006թ.
ՀՀ պատանիների առաջնությունում գրավել են առաջին տեղը:
Մեր ֆուտբոլիստները 2007-2008թ.թ. ՀՀ մինի ֆուտբոլի մինչև 15 տարեկանների առաջնության առաջին տեղի հավակնորդներն են:
Մարզադպրոցի լավագույն մարզիչներն են´ Սամվել Աթոյանը, Ստյոպա Սարգսյանը, Կարեն Դավթյանը:
|
|
